„ცენტრი 4&8“ ჩვენი ხედვისა და გამოცდილების შედეგია. მისი შექმნის მთავარი მიზანი იყო სივრცის გაჩენა, სადაც პაციენტები თავიანთ პრობლემებს პროფესიონალებისა და კომპლექსური მიდგომების დახმარებით მოაგვარებდნენ. ხშირად ადამიანები ზუსტად ვერ აანალიზებენ, რა ტიპის სპეციალისტის ჩართვაა საჭირო მათი ჯანმრთელობისთვის, რაც მხოლოდ მეტ დაბნეულობას იწვევს.

ჩვენი ცენტრის უნიკალურობა იმაშია, რომ ის აერთიანებს ოთხ ძირითად მიმართულებას: სექსოლოგია, ფსიქოლოგია, ესთეტიკური გინეკოლოგია და ვენეროლოგია. ეს ის სფეროებია, რომლებიც ერთმანეთთან მჭიდრო კავშირშია და ხშირად ერთმანეთის გასაზღვრის გარეშე შეუძლებელია პრობლემის გადაჭრა. მაგალითად, სქესობრივი ცხოვრების პრობლემები შესაძლოა ფსიქოლოგიური ხასიათის იყოს ან საჭიროებდეს ესთეტიკურ და სამედიცინო ჩარევას. 

ჩვენ გვსურს, რომ ცენტრი 4&8 იქცეს იმ ადგილად, სადაც ადამიანები მიიღებენ სწორ დიაგნოზს, პროფესიონალურ რჩევებს და ეფექტურ მკურნალობას. ასევე, ჩვენი მისიაა, საზოგადოების ცნობიერების ამაღლება აღნიშნულ საკითხებზე, რადგან ფსიქიკური და ფიზიკური ჯანმრთელობა ყველასთვის თანაბრად მნიშვნელოვანია.

ამიტომ, აქ მოსვლა არამხოლოდ პრობლემის მოგვარებას, არამედ სიმშვიდესა და ნდობას ნიშნავს – ჩვენ ვზრუნავთ თითოეული პაციენტის კეთილდღეობაზე და ვეხმარებით მათ ცხოვრების ხარისხის გაუმჯობესებაში.“